close
close

Maxaa dheeraad ah oo aan ka ognahay weerarkii Israa’iil ay ku qaadday Iiraan

Xigashada Sawirka, Reuters

Qoraalka sawirka, Weerarka

Sida ay baahisey wakaaladda wararka Fars ee dalka Iraan, qarax ayaa laga maqlay waqooyi-galbeed ee magaalada Isfahan subaxnimadii hore ee Jimcaha. Qaraxa ayaa laga maqlay garoonka diyaaradaha ee bartamaha magaalada Isfahan, balse ilaa hadda lama oga sababta ka dambeysay.

Gantaal ay Israa’iil leedahay ayaa ku dhacay Iran, sida ay laba sarkaal oo Maraykan ah u sheegeen TV-ga CBS. Warbaahinta dowladda Iran ayaa ku warramaysa in la hakiyay duulimaadyadii isaga kala gooshi jiray magaalooyin dhowr ah, sida ay sheegtay wakaaladda wararka ee AP. Iran ayaa heegan sare gashay ka dib markii Israa’iil ay sheegtay in ay ka jawaabi doonto weerarkii Iran ay ku qaaday Israa’iil habeenkii Sabtida.

Duulimaadyada diyaaradaha ee magaalooyinka Isfahan Shiraz iyo Tehran, ayaa hakad kooban galay waloow cabaar kadib dowladda Iiraan ay sheegtay in wax walba sidoodii yahiin duulimaadyaduna bilowdeen.

Gobolka Isfahan waxaa ku yaal saldhig weyn oo dhanka cirka ah, xarun weyn oo lagu sameeyo gantaalada iyo goobo badan oo xarumo Nukliyeer ah.



Source link

Leave a Reply

Your email address will not be published. Required fields are marked *